दाङ २९ वैशाख । दाङमा क्रियाशिल विभिन्न राजनीतिक दलहरुले भारतले नेपाली भूमी मिचेर सडक बनाएको प्रति विरोध गर्दै यस मुद्धालाई अन्तराष्ट्रियकरण गर्न माग गरेका छन् ।नेकपा मसाल, राष्ट्रिय जनमोर्चा, नेकपा माले, नेकपा क्रान्तिकारी माओबादी र देशभक्त जनगणतान्त्रिक मोर्चा दाङको सोमवार घोराहीमा बसेको संयुक्त बैठकले सीमा समस्या समाधानका लागि ठोस कदम चाल्न सरकारलाई आग्रह गरेका छ । नेपालको भूमी मिचेर भारतले सडक खनेर सञ्चालनमा ल्याउनु गम्भिर घटना भएको भन्दै बैठकले उक्त कार्यको भत्र्सना समेत गरेको छ ।
बैठक पछि पार्टीका प्रमुखहरुले संयुक्त प्रेस विज्ञप्ती जारी गर्दै सीमा समस्या समाधानका लागि कुटनितिक पहल थाल्न र अटेर गरे अन्तराष्ट्रियकरण गर्न माग समेत गरेका छन् ।नेकपा मसाल दाङका प्रवक्ता भरत भण्डारी, राष्ट्रिय जनमोर्चाका अध्यक्ष गणेश आचार्य, नेकपा मालेका सचिब नेत्रप्रकाश पाण्डे, नेकपा क्रान्तिकारी माओबादीका सचिब रामजी चौधरी र देशभक्त जनगणतान्त्रिक मोर्चाका अध्यक्ष नरेन्द्र बन्जाडेले हस्ताक्षर गर्नुभएको विज्ञप्तीमा पटक पटक उठ्ने सिमा बिबादलाई गम्भिर भएर समाधान गर्न सरकार सँग माग गरिएको छ ।
प्रतिक्रिया