कोरोना संक्रमित ७ वर्षीय बालक बाराबाट आएका थिए काठमाडौं

काठमाडौं, २ जेठ । बिहीबार साँझ कोरोना पुष्टि भएका काठमाडौं, चन्द्रागिरि नगरपालिका, दहचोकका ७ वर्षीय बालक गत वैशाख ६ गते बाराबाट काठमाडौं गएको खुलेको छ । संक्रमित बालक आफ्नो मामाघर बाराबाट आफ्नी आमासँगै आएको स्थानीयले बताएका छन् ।

            संक्रमित बालकलाई अस्पताल लैजाने तयारी भइरहेको छ। स्थानीयको सहयोगमा बाहिरबाट आएको भनेपछि उनीहरू स्वाब परीक्षण गराउन पुगेका थिए। आमा र छोराको कोरोना परीक्षण गरिएकोमा छोराको रिपोर्ट पोजेटिभ आएको हो। बालकको  स्थायी घर दोलखा रहेको बताइएको छ भने बालकका परिवारमा उनीसहित बुवा र आमा छन्। संक्रमित बालकको सम्पर्कमा आएका व्यक्तिहरूको खोजी सुरु गरिने भएको छ । अहिलेसम्म नेपालमा कोरोना संक्रमितको संख्या २४९ पुगेको छ ।