कपिलवस्तु ८ जेठ ।किट अभावले पिसिआर परिक्षणमा ढिलाई भईरहेको बेला अब भने कपिलवस्तुमा किटको अभाव टरेका छ । किटको अभाव पछि जिल्लाका ८ पालिकाले आवशयक भिटिएम किट किन्ने तयारी गरीरहेको बेला स्वास्थ्य सेवा बिभागबाट बीहिवार एकै पटक जिल्लामा ३ हजार किट आएको हो । कपिलवस्तुका सांसद चक्रपाणी खनाल बलदेव सहितका ३ वटै क्षेत्रका सांसदले पटक पटक स्वास्थ्य मन्त्रालयमा पुगेर दिएको दवाव र राष्ट्रिय सभा सदस्य बिमला घिमिरेको स्वास्थ्य मन्त्री भानुभक्त ढकालसंगको विशेष भेटघाटपछि कपिलवस्तुले एकैसाथ ठूलो परिमाणमा कीट पाएको हो । यस अघि ३०० /५०० आदी संख्यामा केहिदिनका अन्तरमा कीट आउने गरेको थियो ।
जिल्लाका ३ पालिकाले ३ हजार २ सय किट किनेर बुधवार देखि नै स्बाव सकलन सूरु गरी सकेका छन । कपिलवस्तु र शिवराज नगरपालिकाले एक एक हजार र यशोधरा गाउपालिकाले ११ सय ८० थान भिटिएम किट किनेर स्वाब संकलन कार्य अघि बढाएका हुन । जिल्लाका अन्य ५ पालिकाले पनि किट किन्ने प्रकृया अघि बढाएका छन । जिल्ला स्वास्थ्य कार्यालय कपिलवस्तुका कोरोना फोलक पर्सन कुमर थापाले तत्कालकालागि पिसिआर परिक्षणकालागि चाहिने भिटिएम किटको अभाव टरेको बताए । अहिले सम्म जिल्लामा ५ हजार १६५ भिटिएम किट सरकारवाट प्राप्त भएको छ । किट अभावले स्वाब संकलन सुस्त गतिमा चलेका थियो ।
जिल्लाका ८ पालिकाले कुल ८ हजार १८० किट किन्ने भएको हो । कृष्णगनरले २ हजार, महराजगंज नगरपालिकाले १ हजार २ सय थान, बुद्धभुमी नगरपालिकाले एक हजार , मायादेबीले ३ सय,सुद्धोदनले ५ सय थान किट किन्ने प्रकृया अघि बढाएको छ । उता अरटडि टेस्टका लागि बिभागले ५ हजार किट पठाएको छ । यस अघि पटक पटक गरी कुल १८ सय थान जति जिल्लामा किट आएको थियो ।
प्रतिक्रिया