गर्भवती वडा सदस्यको निधन

कपिलवस्तु, १६ मंसिर ।

कपिलवस्तुको बिजयनगर गाउँपालिका वडा ३ की वडा सदस्य माधुरी लोहारको निधन भएको छ । २९ वर्षीय लोहारको आठ महिनाको गर्भ रहेको थियो । अत्याधि पेट दुख्न थालेपछि शिवराज अस्पतालमा उपचारको लागि पुगेकी लोहारलाई अत्याधि रक्तस्राप भएपछि बुटवल रिफर भएको थियो ।

उनको पेटमा आठ महिनाको गर्भ रहेको बताइएको छ । बुटवलमा उपचारका क्रममा उनको निधन भएको गाउँपालिका उपाध्यक्ष लक्ष्मी कुमारी थारुले बताइन् । सदस्यको निधन भएपछि गाउँपालिकाले आइतवार सार्वजनिक विदा दिएको छ । गत वैशाख ३० गते भएको स्थानीय तहको निर्वाचनमा जनता समाजवादी पार्टी वाट दलित सदस्यमा निर्वाचित भएकी थिइन् । उनका श्रीमान र तीन छोरी रहेका छन् ।