सैनिक अस्पताललाई महानगरको डेढ करोड

काठमाडौं १४ फाल्गुन । काठमाडौं महानगरपालिकाले वीरेन्द्र सैनिक अस्पताललाई डेढ करोड रुपैयाँ उपलब्ध गराएको छ । महानगरपालिकाको सहयोगमा अस्पतालले गत ७ माघबाट हेमोडाइलाइसिस सेवा सुरु गरेको छ । सो सेवालाई दिगो बनाउन महानगरले एक करोड ५० लाख अनुदान दिएको हो ।महानगरपालिकाका मेयर विद्यासुन्दर शाक्यले मंगलबार सहायक रथी सागरबहादुर केसीलाई चेक हस्तान्तरण गरका हुन् । महानगरको अनुदानमा सञ्चालित हेमोडाइलाइसिस सेवा महानगरवासी र महानगरका कर्मचारीले निःशुल्क पाउने छन् । सेवा प्राप्त गर्नका लागि महानगरपालिकाको जनस्वास्थ्य विभागबाट सिफारिस लिनुपर्ने अस्पतालले जनाएको छ ।