रनिङ शिल्डको उपाधि पूर्णकेशर माबि बग्दीलाई

कपिलवस्तु १९  फागुन । कपिलवस्तुको शुद्धोधन गाउपालिका स्तरीय भएको राष्ट्रपति रनिङ शिल्डको उपाधि पूर्णकेशर माबि बग्दीले जितेको छ । फाल्गुण १६ र १७ गते भएको प्रतियोगितामा उक्त बिद्यालयले प्रथम स्थान हासिल गर्दै १३ वटा स्वर्ण पदक जित्दै शिल्ड प्राप्त गरेको बिद्यालयले जनाएको छ । यस्तै प्रतियोगितामा नेपाल राष्टिय माबि मुडफुटवा द्धितीय भएको छन भने श्रीनगर माबि श्रीनगर तृतीय भएको छ ।

        शुद्धोधन गाउपालिका वडा नं १ प्रगति नगरको खेलमैदानमा भएको प्रतियोगितमा ६ वटा सामुदायिक बिद्यालयको सहभागिता रहेको थियो । गाउपालिकाको आयोजना र जिल्ला खेलकुद बिकास समितिका सहजिकरणमा कार्यक्रम प्रतियोगिता भएको हो पूर्णकेशर माबिकी प्रअ लिला खनालले जानकारी दिनुभयो । वडा नं १ का अध्यक्ष तिलकराम यादबको अध्यक्षतामा भएको समापन कार्यक्रममा गाउपालिका अध्यक्ष निशार अहमद खाको प्रमुख आतिथयता रहेको थियो । प्रतियोगितामा छात्रछात्राबिच हाईजम्प , सर्टफुट ,ज्यावलिंक थ्रो , तिर्पल जम्प ,कबड्डी भलिवल ,१ सय देखी ३ हजार मिटरको दौड लगाएतका खेलहरु खेलाईएको थियो । कार्यक्रममको सञ्चालन गाउपालिकाका शिक्षा शाखा प्रमुख टिकाराम पौडेलले गर्नुभएको थियो ।