वुहानमा पाँचौ दिनपछि फेरि नयाँ कोरोनाका सङ्क्रमण भेटिए

एजेन्सी, ११ चैत । विश्वभरि फैलिरहेको कोरोनाभाइरसको उत्पति स्थल मानिएको चीनको वुहान सहरमा पाँचौ दिन पछि फेरि उक्त भाइरस देखा परेको छ । कोभिड–१९ नामक रोग लगाउने नयाँ कोरोनाभाइरस पहिलो पटक हुबे प्रान्तको उक्त सहरमा देखिएको थियो । 

        त्यहाँ केही दिनयता सङ्क्रमण घट्दै गएका थिए तर पाँचदिन दिनदेखि कुनै पनि नयाँ सङ्क्रमण देखिएको थिएन । अहिले चीनभित्रबाट भन्दा पनि बाहिरबाट सङ्क्रमण भित्रिरहेको चिनियाँ अधिकारीहरूले बताएका छन् ।  अधिकारीहरुका अनुसार विगत २४ घण्टामा चिनियाँ मुख्य भूभागमा ८० वटा नयाँ सङ्क्रमण फेला परेको वि.वि.सि.ले जनाएको छ । सङ्क्रमित व्यक्तिमध्ये चार जना बाहेक बाँकी सबै चीन बाहिरबाट आएको अधिकारीहरू बताउँछन् ।