१ लाख नाघ्यो अमेरिकामा कोरोना संक्रमण उच्च गतिमा

एजेन्सी, १५ चैत । संयुक्त राज्य अमेरिकामा कोरोना संक्रमणको दर पछिल्ला दिनमा व्यापक  देखिएको छ । शनिबार बिहान सबा ६ बजेसम्म अमेरिकामा कुल १ लाख १ हजार ६ सय ५७ जनालाई संक्रमण पुष्टि भएको छ । जबकि, शुक्रबार बिहान यही समयमा त्यहाँ संक्रमणको संख्या ८३ हजार ८ सय ३६ थियो । यो तथ्याङ्क कोरोनाभाइरसडटजेएचयूडटइडियूमा प्रकाशित भएको छ ।

अमेरिकापछि संक्रमितको संख्या उच्च रहेको देशमा इटाली छ। त्यहाँ ८६ हजार ४ सय ९८ जनालाई संक्रमण पुष्टि भएको छ।  विश्वभर ५ लाख ९३ हजार २ सय ९१ लाई कोरोना संक्रमण पुष्टि भइसकेको छ ।