प्रदेश ५ : ७५ जनाको कोरोना परीक्षण नेगेटिभ, १८ आइसोलेसनमा

  रुपन्देही २३ चैत्त । प्रदेश ५ मा कोरोना भाइरसको आशङ्कामा ८९ जनाको स्वाब परीक्षण गरिएको छ । सामाजिक विकास मन्त्रालयअन्र्तगतको स्वास्थ्य निर्देशनालयका अनुसार परीक्षण गरिएकामध्ये ७५ जनाको रिपोर्ट नेगेटिभ आएको छ । चौध जनाको रिर्पोट आउन बाँकी रहेको निर्देशनालयले जनाएको छ । प्रदेशमा कोरोना आशङ्का गरिएका १ सय ३० जनामध्ये १८ जनाको उपचार आइसोलेसनमा भइरहेको छ । प्रदेशभित्र रहेका ३ सय ७ वटा क्वरेण्टाईनमा २ हजार ३ सय ८० जनालाई राखिएको छ ।