२ जना साधुको कुटेर हत्या, १ सय १० जनालाई पक्राउ

एजेन्सी, ८ बैशाख ।  छिमेकी राष्ट्र भारतमा २ जना साधुको कुटेर हत्या गरिएको छ । भारतको महाराष्ट्रमा २ जना साधुको कुटेर हत्या गरिएको छ । महाराष्ट्रस्थित पालघरमा बिहीबार कुटेरै २ जना साधुसहित तीन जनाको हत्या गरिएको हो । गाडीमा सवार ७० र ३५ वर्षका दुई जना साधु र उनीहरुको गाडी चलाउने ३० वर्षीय चालकलाई केही व्यक्तिहरुले कुटीकुटी हत्या गरेको भारतीय समाचार संस्था पीटीआईले जनाएको छ ।

            घटनामा संलग्न भएको आशंकामा प्रहरीले १ सय १० जनालाई पक्राउ गरी सुक्ष्म अनुसन्धान गरिरहेको जनाएको छ । भारतमा बेला बखतमा कुटेर मृत्यु भएका समाचारहरु आइरहनु चिन्ताजनक भएको मानवअधिकारकर्मीहरु बताउँछन् ।