भारतमा ५ सय ५९ को मृत्यु, १७ हजार ६ सय बढी संक्रमित

एजेन्सी, ८ बैशाख । विश्वमा महामारीको रुपमा फैलिएको कोरोना भाइरसको संक्रमण भारतमा बढ्दोे छ । संक्रमण बढेसँगै भारतमा ज्यान गुमाएसँगै मृत्यु हुनेको संख्या ५५९ पुगेको हो । भारतमा एकैदिन १ हजार २ सय ५० जनामा संक्रमण देखिएसँगै संक्रमित हुनेको संख्या १७ हजार ६ सय १५ पुगेको छ ।

        भारतमा संक्रमितमध्ये २ हजार ८५४ जना उपचारपछि निको भएका छन् । १४ हजार २ सय २ जनाको विभिन्न अस्पतालमा उपचार भइरहेको छ । चीनको वुहानबाट शुरु भएको कोरोना संक्रमणको दर यूरोपियन मुलुक हुँदै पछिल्लो समय अमेरिकामा व्यापक संक्रमण फैलिएको छ । एसियाली मुलुकमा इरान सबैभन्दा बढी प्रभावित हुँदै गएको छ  । ज्यान गुमाउनेको संख्यामा एसियाली मुलुकमा भारत पाँचौ स्थानमा छ । भारत सरककारले संकमण रोक्नका लागि भारतभर लकडाउन गरेको छ ।