लकडाउनमा भूमाफियाको चलखेल : बन अतिक्रमण गरि बनाइएका घर टहरा भत्काइए

कपिलवस्तु ८ बैशाख ।  कोरोनाका आशंकामा  लकडाउनले मुलुक सिथिल भएका बखत केहि भू माफियाहरुले चलखेल गरि बनजंगल कव्जागर्ने अभियान चलाउन थालेको जानकारी पाएसंगै कपिलवस्तुको गौतम बुद्ध बन डिभिजन कार्यालय चन्द्रौटाले शसस्त्र बनरक्षक परिचालनगरि ५ वटा घर टहरा भत्काएको छ । 

            सरकारले सुकुम्वासी आयोग वनाएको  थाहा पाउदासाथ रातारात अतिक्रमण गरेर वनाईका घर टहरा मध्ये विजयनगर गाउँपालिकामा  ३ वटा र शिवराज नगरपालिकामा २ वटा घर टहरा भत्काइएको हो । गौतम बुद्ध बन डिभिजन चन्द्रौटा कपिलवस्तुका प्रमुख दुर्गा वहादुर कार्कीले  घरटहरा भत्काइएको जानकारी दिनु भयो । 

        नयाँ अतिक्रमण भएको खवर पाएपछि विजयनगर र शिवराजमा भर्खरै वनाइएका केहि टहरा  भत्काइएको  हो ।  भत्काउनु अघि ३६ घण्टा भित्र जसले बनाएको हो भत्काउन भनेर सूचना गरिएको र कसैले पनि नभत्काएपछि बनरक्षक लगाएर भत्काइएको प्रमुख कार्कीले प्रष्टाउनु भयो ।