सरीता/ सृजना थारु ।कपिलवस्तु ११ बैशाख ।कपिलवस्तुको वाणगंगा नगरपालीकाले कृषकले उत्पादन गरेको तरकारीको व्यस्थापनका लागि खेतमै पुगेर जानकारी लिदै समस्या समाधानकाको पहल गरिरहेको समयमा विहिवार किसानको घरमै पुगेर जिविकोपार्जनका लागि मौरीघार तथा गोला वितरण कार्य सम्पन्न गरेको छ । वार्षिक कार्यक्रम अन्तर्गत नगर भित्र रहेका किसानलाई व्यवसायीक रुपमा मौरीपालन तर्फ आकर्षित गरि जिविकोपार्जनमा सहयोग पुर्याउनका लागि समाग्री उपलव्ध गराएको नगरले जनाएको छ । नगरको कृषि विकास शाखावाट पचास प्रतिशत अनुदानमा ४ वटा कृषक समूह तथा १ सहकारी फर्मलाइ ५० घार मौरी गोला तथा १ मौरी घार उपलव्ध गराएको शाखा प्रमुख लेसवहादुर केसीले जानकारी दिनु भयो ।
नगरले व्यवसायी छनौट गरि समुह र कृषि सहकारीलाई घार तथा गोला उपलव्ध गराएको हो । नगर प्रमुख मंगल प्रसाद थारु, उप प्रमुख चक्रपाणी अर्याल, प्रमुख प्रशासकिय अधिकृत चुरामणी पन्थी, कृषि सेवा शाखा प्रमुख लेषवहादुर केसी, कृषि अधिकृत धनिराम आचार्य सहितको टोलीले वडा नं ८ मौर्मीमा रहेको सहारा कृषक समुहलाई २० घार, वडा ६ महनहापुरमा रहेको बोलबम कृषी तथा पशु बिकास कृषक समुहलाई ११ घार, वडा नं ११ को मर्थीमा रहेको उत्तम कृषक समुहलाई १० घार, बाणगंगा १ बैरियामा रहेको साझा मौरी पालन केन्द्रलाई ५ घार र वडा न २ मा रहेको एकिकृत कृषि समुहलाई ५ घार उपलव्ध गराएको हो ।
नगरले अनुदानमा समाग्री वितरणका लागि सूचना प्रकाशित गरि सोहि अनुसार समुह, कृषि फर्म छनौट गरेको थियो । छनौट भएका समूहको अनुगमन पछि घार हस्तान्तरण गरेको नगरका उप प्रमुख चक्रपाणी अर्यालले वताउनु भयो । लकडाउनका कारण औपचारीक कार्यक्रम नगरी घरमै गई सामाग्री वितरण गरेको उहाँले वताउनु भयो ।
प्रतिक्रिया