हतियार सहित कपिलवस्तुमा वनबाट १ जना सिकारी पक्राउ

कपिलवस्तु १२ बैशाख । कपिलवस्तुमा १ जना वन सिकारी हतियारसहित पक्राउ परेका छन । जिल्लाको बाणगंगा २ मायादेबी साझेदारी बनक्षेत्र पिपरामा अन्तर्गत ब्लकको कम्पार्टमेन्ट नं ५ मा पर्ने बन भित्र बिना इजाजत हतियार सहित बन्यजन्तु शिकार खेलि रहेको अवस्थामा एकजना प्रक्राउ परेका हुन । उनको साथबाट भरुवा बन्दुक २ थान र बन्दुकमा प्रयोग हुने  सामान पनि बरामद गरिएको छ । उनलाई हिरासतमा राखि मुद्दाको अनुसन्धान कार्य जारी राखिएको छ । यस्तै बाणगंगा १० अन्तर्गतको मझौवा बन क्षेत्र भित्र सव डिभिजन बन कार्यालय पटना र साझेदारी बनका हेरालु समेतको गस्तीका क्रममा सिसौ जातका रुख चोरी निकासी गर्नका लागि  लुकाईछिपाई राखेको अवस्थामा ४ थान गोलिया बरामद गरेको छ ।