कपिलवस्तु १७ बैशाख ।कपिलवस्तुका कतिपय पालिकामा बिपन्नका लागि बाडिएको चामल कुहिएको र अखाद्य सामग्री वितरण भएको भन्दै आलोचना भैरहका बखत बाणगंगाका बिपन्न घरपरिवालाई बासमति चामल वितरण गरिएको छ । प्रदेश नं ५ का सांसद बिष्णु पन्थीको पहलमा बाणगंगा ५ का ३४ घरपरिवारलाई बासमति चामल सहित दाल ,तेल ,चिउरा लगाएतका राहत सामग्री वितरण गरिएको हो । सांसद पन्थीले रुपन्देहीको बुटवल उपमहानगरपालिका वडा नं ६ का समाजेवी बुलबुल श्रेष्ठको सहयोगमा राहत सामग्री वितरण को समन्वय गर्नु भएको हो ।
१० किलो बासमति चामल , २ किलो दाल ,तेल नुन ,चिउरा लगाएका सामग्री बाँडिएको हो । यसै क्रममा बुधवार वडा नं ५ का नगरद्धारा वितरण गरिएको राहत कार्यक्रमबाट बञ्चित भएका बिपन्न घरपरिवारलाई वितरण गरिएको छ । सांसद पन्थीले अन्य राहतका लागि अन्य सहयोगि दाताको खोजिमा रहेको हुदा नगरका अन्य वडालाई पनि सहयोग गर्ने स्पष्ट पार्नूभयो । राहत वितरण गर्दै वडा नं ५ का वडा अध्यक्ष भिष्मराज भूषालले वडा कार्यालय शुरुमा २५ घरपरिवार र नगरको एकद्धार प्रणलीबाट १२६घरपरिवारलवाई वितरण गरि सकेको बताउनुभएको छ ।
यस्तै बुधबार सांसद पन्थीको पहलमा तेस्रो चरणमा राहत वितरण गरिएको र छुटपुट भएका बिपन्न परिवारलाई केही दिनमै राहत वितरणको काम शुरु गर्ने बताउनुभयो ।यता राहत पाएपछि निकै खुसी हुनुभएकी सरस्वाती अधिकारी , फुर्सि कुमारी बिक लगाएले बोल्दै सरकारले निभ्न थालेको आगो बालिदिएको बताउनुभयो । घरमा चामल तेल सकिए सकेको थियो के खाने होला भन्ने चिन्ता बढेका वेला राहत दिदा आफूलाई खुसी लागेको उनीहरुको भनाई छ ।
प्रतिक्रिया