रुपन्देही १७ बैशाख ।लकडाउनको पीडामा राहत पुराउन सैनामैना नगरपालिकाले नगर क्षेत्रका किसानलाई १२ थान मिनिटेलर र हलो ५० प्रतिशत अनुदानमा वितरण गरेको छ ।नगरपालिकाले कृषि क्षेत्रलाई विशेष प्रथामिकता दिएको वताउदै यस्तो काम गरेको हो । पालिकाले यस अघि पनि किसानहरुका लागि विभिन्न समयमा बिभिन्न यन्त्र र मौसम अनुसारका खाद्यान्न बाली, हिउँदेबाली, तरकारी लगायतका वीउ विजनहरु वितरण गर्ने गरेको छ ।जसअन्तर्गत शाखाले बुधबार नगर भित्रका किसानहरुलाई १२ थान मिनिटेलर र हलो ५० प्रतिशत अनुदानमा वितरण गरिएको छ ।
सैनामैना नगरपालिकाका नगर प्रमुख चित्रबहादुर कार्र्कीले नगरमा कृषि क्षेत्रलाई विशेष प्रथामिकता दिएको बताउँदै कृषकहरुलाई प्रोत्साहन स्वरुप समय समयमा अनुदानमा कृषि यन्त्र र मौसम अनुसारको बिउ वितरण गरिएको बताउनभयो । साथै उहाँले आफूले प्राप्त गरेको यन्त्रको सहि प्रयोग गरी धेरै भन्दा धेरै लाभ लिन कृषकलाई आग्रह गर्नुभयो ।बन्दाबन्दीको समयमा पनि किसानको खेती कार्य सुचारु र सहज होस भन्ने उद्देश्यले ५० प्रतिशत अनुदानमा मिनिटेलर बितरण गरिएकोको सैनामैनाका प्रमुख प्रशासकीय अधिकृत टेकराज पन्थीले बताउनु भयो ।
नगरको बार्षिक स्वीकृत कार्यक्रम अनुसार करिब १५ लाखको बजेटमा १२ जना किसानहरुलाई ५० प्रतिशत अनुदान कृषि यन्त्र बितरण गरिएको सैनामैनाका कृषि शाखा प्रमुख सिर्जना सुबेदी जानकारी दिनुभयो ।
प्रमुख पन्थीका अनुसार सैनामैनामा जेठको पहिलो साता धानको बिउ वितरण समेत गरिने कार्यक्रम रहेको जानकारी गराउनु भयो ।अनुदानमा कृषि यन्त्र पाएपछि समयमै खेती लगाउन सकिने सैनामैना ५ का कृषक ठागे थारुले बताउनु भयो । समयमै जोताउन नपाउँदा कृषि कार्य दिलो हुँदा उत्पादनमा समेत असर परेको थियो अब यो समस्या टरेको उनको भनाई छ । आफसंग यन्त्र भएपछि कम खर्चमै कृषिबाट मनग्य फाइदा लिन सकिने सैनामैना २ अर्का कृषक मिन प्रसाद भण्डारीले बताउनु भयो ।
प्रतिक्रिया