रेडियो नेपालकी प्रथम गायिका रानुदेवी रहिनन्

काठमाडौं, १९ बैशाख । रेडियो नेपालकी प्रथम गायिका रानुदेवी अधिकारीको निधन भएको छ । प्रजातन्त्र सेनानी अधिकारीको ८४ वर्र्षीय  उनको शुक्रवार निधन भएको हो ।  सिनामंगलस्थित काठमाडौं मेडिकल कलेजमा राती साढे २ बजे निधन भएको हो ।

            अधिकारीले राणाशासन विरुद्धको लडाइँमा गीत गाउँदै हिँडेकी थिइन् । उनले विसं २००६ मा रेडियो नेपालमा गीत रेकर्ड गराएकी थिइन् । ‘जुनेली रात हजुर’, ‘जागे नेपाली उठे नेपाली’ लगायतका गीतमा स्वर दिएर चर्चामा रहेकी रानुदेवी शास्त्रीय संगीतमा रुचि राख्थिन् । अधिकारीको शुक्रवार बिहानै अन्त्यष्टि गरिएको पारिवारिक स्रोतले जनाएको छ ।