चीनमाथि प्रतिबन्ध लाग्न सक्छः अमेरिकी राष्ट्रपति ट्रम्प

एजेन्सी, २० बैशाख । अमेरिकी राष्ट्रपति डोनाल्ड ट्रम्पले चीनमाथि प्रतिबन्ध लगाउन सक्ने चेतावनी दिनु भएको छ । ‘कोरोना भाइरस संक्रमण रोक्न चीनको असफलतालाई मध्यनजर गर्दै चीनमा अमेरिकी प्रतिबन्धको सम्भावना रहेको प्रतिक्रिया दिनु भएको हो । फार्म हाउस क्याम्प डेभिभ जानु अघि पत्रकारहरुसँग कुरा गर्दै ट्रम्पले यस्तो बताउनु भएको हो ।

        अमेरिकाले चीनको ल्याबबाट कोरोना भाइरसको महामारी फैलिएको दाबी गर्दै आएको छ । कोरोना भाइरसको संक्रमण फैलिन नदिन चीनले पर्याप्त सावधानी नअपनाएको र विश्व स्वास्थ्य संगठनले पनि चीनको पक्षपोषण गर्दै आएको आरोप अमेरिकाले लगाएको छ । यही कारण अमेरिकाले विश्व स्वास्थ्य संगठनलाई गर्दै आएको आर्थिक सहयोग कटौतीसमेत गरेको छ ।