तुलसीपुर बजारमै म्याद नाघेका सामान बिक्री

तुलसीपुर, २४ बैशाख ।  तुलसीपुर उपमहानगरपालिकाले बजार अनुगमन गर्दा धेरै पसलमा  म्याद नाघेका  सामग्री  फेला पारेको छ  । उपभोक्ता तथा हित संरक्षण शाखा, तुलसीपुर उद्योग वाणिज्य संघ, प्रशासन, प्रहरी, र जनप्रतिनिधिसहितको टोलीले मङ्गलबार तुलसीपुरका आठ खाद्यान्न तथा डिपार्टमेण्टल स्टोरमा अनुगमन गर्दा भेटिएका म्याद नाघेका सामग्री जफत गरेको छ । सरोकार पक्षको रोहवरमा ती सामग्री नष्ट गरिने बताएको छ । 

        कतिपय पसलले सामग्री बिक्री गर्दा बिल जारी नगर्ने र मूल्य सूची नै नराखेको पाइएको  उपमहानगरपालिका उपभोक्ता तथा हित संरक्षण शाखाका प्रमुख रेवा रावतले जानकारी दिनुभयो ।  उहाँका अनुसार म्याद नाघेका सामग्री बिक्री गर्ने व्यवसायीलाई सजग गराइएको र फेरि पनि भेटिए कानूनबमोजिम कारवाही गरिने छ । लकडाउनको मौका बारी व्यापारीहरुले म्याद गुज्रिएका समानहरु विक्री वितरण गरेका हुन् ।