कोरोना विरुद्धको लडाईमा नेपाल मै नयाँ अभ्यास : सिमा सुरक्षामा नगर प्रहरी परिचालन

कपिलवस्तु २४ बैशाख । कोरोना विरुद्धको लडाईमा कपिलवस्तुकोबिजयनगर गाउपालिकाले नयाँ प्रयोग गरेको छ । भारतवाट लुकिछिपी नेपाल भित्रने क्रम बढ्दै गएपछि सिमा सुरक्षामा नगर प्रहरी भर्ना  गरेर खटाउने काम शुभारम्भ गरेको हो । संभवत नेपालमै पहिलो पालिका हुनुपर्छ जसले सिमा सुरक्षामा नगर प्रहरी खटाएको होस ।

     कोरोना विरुद्ध लडन विजयनगर गाउपालिकाले आफै प्रहरी नियुक्ती गरेको छ । गाउपालिकाले ५० जना नगर प्रहरी नियुक्ती गरी वुघवारवाट खटाएको हो  । भारत संग सिमा जोडिएको विजयनगरको टोल टोलमा गएर जन चेतना फैलाउन , सामाजिक दुरी कायम गर्न नगर प्रहरीले सहयोग गर्ने छ । क्वारेन्टाईन सुरक्षा र खुला सिमा वाट आगमन रोकथाममा समेत प्रयोग गरीने छ ।         

      गाउपालिकामा प्रहरी र शसस्त्र प्रहरी पनी सकृयताका साथ परिचालन रहेका छन । सिमित संख्याको कारण वस्ती वस्तीमा पुग्न असहज भएको छ । अव नगर प्रहरी परिचालन भए पछी गाउको वस्ती वस्तीमा पुग्न सहज हुने छ । गाउपालिका भारतको खुला सिमा संग जोडिएको छ । खुला आवत जावत पनी निरुत्साहित हुने छ । नगर प्रहरीमा भर्ना गरीएका व्याक्ती स्थानिय भएको हुदा समुदायको तल्लो तह सम्म पुगेर काम गर्ने तयारीको साथ परिचालन हुने विजयनगर गाउ पालिकाका अध्यक्ष गोपाल वहादुर थापाले वताउनु भयो ।

नियुक्त भएका नगर प्रहरी तत्काल एक महिनाको लागी काम गर्ने छन । लकडाउन लम्वियो भने कामको मुल्याकन हेरी थप गर्न सकिने छ । कोरोना संक्रमणको जोखिम कम भए पछि अन्य काममा पनी विस्तार गर्न सकिने छ । कोरोना विरुद्ध लडन स्थानिय तहले आफ्रनै प्रहरी परिचालन गरेको यो पहिलो पटक हो । गाउपालिकाले आफ्रनै ऐन वनाएर नगर प्रहरी नियुक्त गरी कोरोना संक्रमण रोकथामका लागी कपिलवस्तुमा पहिलो पटक काम भएको प्रमुख जिल्ला अधिकारी दिर्घनारायण पौडेलले वताउनु भयो ।