जनप्रतिनिधि बाघको आक्रमणबाट घाइते

गुलेरिया, २५ बैशाख ।  गुलेरियामा बाघको आक्रमणबाट जनप्रतिनिधि घाइते हुनु भएको छ । जिल्लाको  गेरुवा गाउँपालिका –४ का  वडा सदस्य ६५ वर्षीय मायाराम खनाल गम्भीर घाइते हुनुभएको छ । आज दिउँसो करीब ३ बजे बर्दिया राष्ट्रिय निकुञ्जको छेउमा भैँसी चराउँदै गर्दा खरमा लुकेर बसेको पाटेबाघले एक्कासि आक्रमण गरी उहाँलाई घाइते बनाएको हो । 

        आक्रमणबाट उहाँको घाँटी, ढाड र छातीमा चोट लागेको  प्रहरीले जनाएको छ । खनालको नेपालगञ्ज मेडिकल कलेजमा  उपचार भइरहेको छ ।