हावा हुरीले छाना उडे २५ लाखको क्षति

अर्घाखाँची, २६ बैशाख ।  अर्घाखाँचीमा हावाहुरीले शीतगंगा नगरपालिकाका नौ घरका छानो उडाएको छ । त्यसबाट रु २५ लाखभन्दा बढीको क्षति भएको छ ।  वडा नम्बर ४, १० र १२ आएको हुरीले आफ्नो घरको छानोसहित नौ जनाको घर र सात जनाको गोठको छानो उडाउँदा लाखौँको क्षति भएको छ ।

        हुरीले उडाएको छानाले दुई मोटरसाइकल तथा एउटा जिपमा समेत क्षति पुगेको छ । वडा नम्बर ८ मा केरा खेतीमा क्षति पुगेको छ । यस्तै वडा नम्बर १० मा केही घरगोठ हुरीले उडाएको छ । केही दिन यता वेमौषमी वर्षा, हावा हुरी र चट्याङले जिउ धनको क्षति पुर्याएको छ ।