भारतमा कोरोना भाइरसबाट १९ सय बढीको मृत्यु संक्रमितको संख्या ५९ हजार ६ सय नाघ्यो

एजेन्सी, २७ बैशाख । विश्वभर महामारीको रुपमा फैलिएको कोरोना भाइरस (कोभिड–१९) बाट भारतमा मृत्यु हुनेको संख्या १ हजार ९८५ पुगेको छ । पछिल्लो २४ घण्टामा त्यहाँ थप ९६ जनाको मृत्यु भएको छ । कुल संक्रमितको संख्या ५९ हजार ६ सय ९३ पुगेको छ । भारतमा एकैदिन अरु ३ हजार ३४२ जना संक्रमित थपिएका थिए ।  उपचार गराइरहेका ३९ हजार ८२१ जनामध्ये १७ हजार ८८७ जना निको भएर घर फर्केका छन् । 

        मार्च २४ देखि लकडाउन गरेको भारतले मे ४ देखि लागू हुने गरी थप दुई साताको लागि तेस्रो चरणको लकडाउन गरिसकेको छ । भारतमा स्वास्थ्य विशेषज्ञहरुले आगामी दिनमा कोरोना भाइरसको भ्याक्सिन नआउँदासम्म कोरोना भाइरसलाई सामान्य रुपमा लिनु पर्ने बताईरहेका छन् ।