कपिलवस्तु २७ बैशाख । भारतका विभिन्न स्थानबाट आएर नेपाल प्रवेश गर्न खोज्ने करिव १५ सय नेपाली सीमाक्षेत्रमा अलपत्र परेको समाचार संचार मध्यममा आइरहदा बाणगंगाकाको वडा नं ११ बरवामा आज साझ ८ वजेतिर फोन आयो हामी नेपाल भित्र आईसकेका छौं । हिडेर राती १२ /१ वजे सम्म त्यहा आइपुग्छौं बस्ने ब्यवस्था मिलाउनु । यो फोन बम्वईवाट फर्किका बासु चौधरीको थियो । उनले आफन्तलई यस्तो जानकारी दिएको बरवाका पत्रकार कृण्ण हरिजनले प्रेसपाटीलाई जानकारी दिनु भयो । यो फोनपछि सिंगो गाउ त्रासमा रहेको पत्रकार हरिजनको भनाईछ ।
यस्तै कपिलवस्तु नगरपालिका वडा नं ९ को लम्वुसागर स्थित गाउमा रातीको ११/१२ सम्म आइपुग्छौ भनेर बम्वईवाट फर्किएका श्रीमानले नेपाल भित्रैवाट फोन गरेपछि उनकी श्रीमतिले वडाध्यक्ष शिव वाग्लेलाई सोधिन मेरा बुढा सहित ५ जना राती आउदैछन् कहा राख्ने होला ? वडाध्यक्ष वाग्लेले कनकमुनि माविको फिल्डमा आएर सुत्न भन्नु भोलि विहान ब्यवस्था मिलाउला भनेर भनेको प्रेसपाटीलाई सुनाउनु भयो । यता बुद्धभूमी २ मा पनि यसरी नै २४ घण्टा भित्र ६ जना आएका छन् । उनीहरु दिल्ली र वम्वईवाट आएका हुन् ।
वाणगंगका उपमेयर चक्रपाणी अर्यालका अनुसार बणगंगामा हिजो र आज क्वारेण्टाइनमा भारतवाट आएका १२ जना थपिएका छन् । यति मात्र होइन कपिलवस्तु नगरपालिकाको बुद्ध पद्म स्थित क्वारेण्टाइनम ५० बढी थपिएको मेयर किरण सिहको भनाइछ । कृष्णनगरको क्वारेण्टइनमा बस्ने ठाउ नभएपछि नया क्वारेण्टाइन वनाइएको छ । मेयर रजत प्रताप शाहका अनुसार कृष्णनगरले कम्तीमा ५ सय देखि ८ सय क्षमतामा क्वारेण्टाइन वनाउनु पर्ने देखिएको छ ।
यसरी रातभरमा भारतवाट लुकिछिपी आउनेको संख्या दिनानुदिन बढेपछि जनप्रतिनिधी माथि ब्यवस्थापनको तीव्र दवाव बढ्दै गएकोछ । हरेक पालिकामा क्वारेण्टाइन धमाधम थप हुदै गएका छन् । आज कपिलवस्तु नगरपालिकाको वडा नं ११ जहदीको विद्यालयमा नयाँ क्वारेण्टाइन खोलेर १४जनालाई राखिएको छ । रेहरामा आज राती आउदै गरेका १० जनालाई मदरशालाई नै क्वारेण्टाइन बनाएर राख्ने तयारी भएको समाजसेवि ओसिम मुसलमानले जानकारी दिनु भयो । यता राती आउदैछौं भनेर फोन आउन थालेपछि सिंगो गाउनै त्रसित हुने वाताबरण बनेको बाणगंगा ११ का समाजसेवि कमल चुदालीले वताउनु भयो । यी त प्रेसपाटीकालागि स्थानीयले दिएका केहि जानकारीका अंशहरु मात्र हुन । पालिकाका हरेक वडामा यसरी नै लकडाउनका बेला हिडेर र सिमामा रहेका प्रहरीलाई छक्काएर आउने संख्या दिनहु बढ्दोछ ।
जानकारहरुका अनुसार यसो हुनुमा २ कारण छन् । पहिलो कारण जहाँ प्रहरीले रोक्छ स्थानीय जनप्रतिनिधीले फोन गरेर नरोक्नुस हामी क्वारेण्टाइनमा राख्छौं भनेर भन्नु । दोश्रो डयुटीमा खटिएका प्रहरीका आखाँ छल्नु ,भनसुनवाट नेपाल भित्रनु वा आर्थिक प्रलोभनमा सुरक्षाकर्मी प्रभावित हुनु । यी करणले नै नेपालमा सिमासिल भएका बखत धमाधम आउनेको संख्या बढेको भारतवाट फर्केर आएका कपिलवस्तु नगरपालिका ८ का राजेश सहानीले जानकारी दिनु भयो ।
यता भारतमा मजदुरी गर्नेहरु लामो समय लकडाउन भएपछि उनीहरु नेपाल फर्किएका ह्न सोहि क्रममा सीमाना खटिएका सुरक्षाकर्मीले नेपाल प्रवेश गर्न नदिएपछि धेरै मानिस ३ दिन देखि दुई देशको सीमानामा अलपत्र परेका छन् । । जिल्ला प्रशासन कार्यालय कपिलवस्तुका अनुसार सिमामा करिव १५ सय नेपाली रहेका छन् । सिमामा रहेका मध्ये सबै भन्दा बढि मर्यादपुर नाकामा २९० जना सीमा क्षेत्रमा बसेका छन् । यसै गरि भील्मीमा २८६ जना, कृष्णनगरमा २५९ जना, हरदौना २५५ जना र चाकरचौडा ११६ जना छन् । यसै गरि हथिहवामा ४७ र विजयनगरमा ३० जना नेपाली दशगजामै बसेको प्रहरी प्रवक्ता डिएसपी सुनिल मल्लले जानकारी दिनुभयो ।
दशगजा क्षेत्रमा बसेका उनीहरुको स्वास्थ्य परिक्षण गरेर ल्याउने, क्वारेन्टाइन राख्ने वा भारतकै क्वारेन्टाइनमा पठाउने भन्नेमा विषय नटुंगिएको उहाको भनइछ । सम्बन्धित जानकारी गृह मन्त्रालयमा पठाइएको र त्यहाबाट कुनै निर्देशन नआएकाले के गर्ने भन्ने निर्णय गर्न नसकिएको प्रशासनको भनाई छ । दशगजामा अलपत्रहरुले आफुहरु क्वारेन्टाइन बस्न र स्वास्थ्य जाँच गर्न तयार रहेको भन्दै नेपाल प्रवेश गराउन माग गरेका छन् । केहि व्यक्तिहरु रातीको समयमा लुकेर नेपाल प्रवेश गरेपनि आफुहरु भने सरकारको निर्देशन पर्खेको मर्यादपुरमा अलपत्र यशोधरा ७ का भिखु पासीले बताउनुभयो ।
प्रतिक्रिया