कपिलवस्तु २८ बैशाख । गृहमन्त्रालयले कुनै आदेश नदिएपनि कपिलवस्तुको कृष्णनगर नगरपालिकाले सिमा क्षेत्रका अलपत्र परेका नेपाली मजदुरको ब्यवस्थापन आफैले शुरु गरेको छ । भारतका विभिन्न शहरबाट घर जान आएका ३३९ जना नेपाली मजदुरको व्यवस्थापन गरेको हो । यही साता उनीहरु सिमा क्षेत्रमा आएका थिए । कतिपय चोरवाटो हुदै नेपाल भित्रीए पनिधेरै जना सिमा मै रोकिएका थिए । सिमामा रहेका मजदुरलाई नेपाल भित्राएर राखीएको र उनीहरुको बर्गिकरण गरि त्यहा राख्नेलाई क्वारेण्टाइनमा पठाउने र वाकीलाई सम्वन्धित पालिका पठाइने मेयर रजत प्रताप शाहले जानकारी दिनु भयो ।
गृह मन्त्रालयले नेपाल प्रवेशको अनुमती नदिए पछि उनीहरु सिमामा अलपत्र परेका थिए । उनीहरु वनक्षेत्रमा कतै पाल टागेर वसेका थिए । अलपत्र परेकाहरु घाम र पानीले दुख समेत खेप्नु परेको थियो । उनीहरुलाई स्थानिय सरकार र समुदायले खानाको जोहो गरेका थिए । नेपाल प्रवेश गर्न नपाए पछि उनीहरुलाई सिमा क्षेत्रका रहेको विद्यालय ,सामुदायिक भवनहरुमा राखिएको छ । नगरपालिकाको भिल्मी, शिवानगर, मदरहनीया, लक्ष्मीनगर,मानपुर, कृष्णनगर, सौनहवा लगायतका ठाउमा वैकल्पीक व्यवस्थापन गरीएको नगर प्रमुख रजत प्रताप शाहले जानकारी दिनु भयो ।
उनीहरुलाई कोठा कोठामा व्यवस्थापन गरीएको छ । एकै ठाउमा धेरै नहोस भनी अलग अलग राखिएको छ । कपिलवस्तु लगायत अन्य जिल्लाको मजदुर समेत रहेका छन । उनीहरुलाई आज विभिन्न क्वारेण्टाइनमा स्थानान्तरण गरिने मेयर शाहले प्रेसपाटीलाई जानकारी दिनु भयो । यसैगरी विजयनगर गाउ पालिकाले भने आफ्ना नागरीकलाई सिमा क्षेत्रको एक विद्यालयमा राखेको पत्रकार अंकुश कुमार श्रीवास्तवले वताउनु भएकोछ ।
यता कपिलवस्तु नगरपालिकाको तौलिहवामा भने भारतवाट लुकिछिपी आएका घरमै फिर्ता भएका छन् । कपिलवस्तु नगरपालिकाको महुवा, लौसा, लोहरौला, कोदहावामा भारतबाट आएका ९ जनालाई शनिबार गाउले आँफैले तौलिहवाको क्वारेनटाइन लगेका थिए । स्थानिय सरकारले क्वारेन्टाइनमा ठाउँ छैन भन्ने जवाफ दिएको लौसाका केवटराम धुनियाले वताए । जिल्ला प्रशासनले दशगजामा लगेर छोडन भन्यो ।अस्पातलले कोरोना जाच गर्ने उपकरण र किट नभएको वतायो ।वाध्य भएर ९ जना घर फिर्ता गए उनले प्रेसपाटीलाई जानकारी दिए । यता कपिलवस्तु नगरपालिकाका प्रमुख प्रशासकिय अधिकृत चिरन्जीवि सापकोटा भने गाउमा फिर्ता गएको भएपनि स्थानीय विद्यालयमा राख्नु भएको छ होला घरमा फिर्ता गएर बस्ने स्थिती छैन भन्दै कहाँ राखिएको छ भनेर आधिकारीक रुपमा भन्न नसक्ने वताउनु भयो । मेयर किरण सिंहले हरेक वडामा भएका सबै स्कूललाई स्वत : क्वारेण्टाइन वनाएर राख्न लगाइएकोले उनीहरु वडा कै स्कूलमा रहेको जानकारी दिनु भयो ।
प्रतिक्रिया