९ जनामा कोरोना पुष्टि, नेपालमा संक्रमितको संख्या २५८ पुग्यो

काठमाडौं, २ जेठ । कोरोना भाइरसको संक्रमण बढ्दै जाँदा नेपालमा थप ९ जनामा कोरोना भाइरसको संक्रमण पुष्टि भएको छ । शुक्रबार विहान ९ जनामा कोरोना पुष्टि भएसँगै संक्रमितको संख्या नेपालमा २५८ पुगेको छ । स्वास्थ्य तथा जनसंख्या मन्त्रालयले विज्ञप्ति जारी गर्दै थप ९ जनामा कोरोना भाइरसको संक्रमण पुष्टि भएको जानकारी दिएको हो ।

             भेरी अस्पताल नेपालगञ्ज र राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा बाँके ८ जना र मकवानपुरका एक जना पुरुषमा कोरोना भाइरसको संक्रमण पुष्टि भएका छ ।