कपिलवस्तु ४ जेठ ।कपिलवस्तुको कृष्णनगर नगरपालिकामा कोरोना संक्रमित ४ जना प्रहरी र अन्य २ जना कर्मचारीको संपर्कमा आएका कुल २५० जनाको स्वाव संकलन गरिएको छ । यता कपिलवस्तुको बाणगंगामा संक्रमित बालिकाको संपर्कमा आएका कुल ३५ जना सहित एकसय १० जनाको थ्रोट स्वाव आज संकलन गरिने स्वास्थ्य शाखा प्रमुख ठगराज पौडेलले वताउनु भएको छ । कृष्णनगरमा शनिवार सशस्त्र प्रहरी १ सय ५२ जना, नेपाल प्रहरी ७२ जना, र अन्य २६ जना गरी २५०को स्वाब संकलन गरिएको हो ।
नगरपालिकामा ८ जनामा कोरोना पोजेटिभ देखिएपछि उनीहरुसँग कन्ट्रयाक्ट ट्रेसिङमा परेका व्यक्तिहरुको स्वाब संकलन गरिएको हो ।यस्तै बाणगंगमा संक्रमित बालिकाका घरपरिवार र नजिकका साथीसंगी गरि १८ जना , दुधको गाडी चालक र डेरी उद्योगमा कार्यरत १७ जना गरी ३५ जनाको स्वाव संकलन गर्न लागिएको पौडेलले प्रेसपाटीलाई जानकारी दिनु भयो । स्वास्थ्य शाखा प्रमुख पौडेलले बाणगंगामा आज ८ जना पत्रकारको समेत स्वाव संकलन गरिने वताउनु भयो । कन्ट्रयाक्ट ट्रेसिङमा रहेकाको स्वाब संकलन गरी प्रदेश नम्बर ५ को भैरहवा स्थित जनस्वास्थ्य प्रयोगशालामा कोरोना परिक्षणका लागि पठाईने गरेकोछ ।
प्रतिक्रिया