जंगली हात्तिको आक्रमणबाट एक वृद्धको मृत्यु

झापा, ४ जेठ । दक्षिणी झापाको कचनकवल गाउँपालिकामा जङ्गली हात्तीको आक्रमणबाट एक वृद्धको मृत्यु भएको छ । मृत्यु हुनेमा कचनकवल गाउँपालिका–७ निवासी ८० वर्षीय बृखबहादुर राई रहेका छन् । 

            जिल्ला प्रहरी कार्यालय झापाकाअनुसार शनिबार साँझ घर नजिकै दीपज्योति सामुदायिक वनमा निगुरो टिप्न गएका वृद्धलाई हात्तीले एक्कासी आक्रमण गरेको थियो । हात्तीको आक्रमणबाट उनको घटनास्थलमै मृत्यु भएको प्रहरीले जनाएको छ । वृद्धको हात्तीले ज्यान लिएसँगै स्थानीयवासी त्रसित बनेका छन् ।