सर्लाहीबाट पेस्तोलसहित २ जना पक्राउ

सर्लाही,४ जेठ । सर्लाहीमा पेस्तोल सहित २ जनालाई प्रहरीले पक्राउ गरेको छ । सर्लाहीको विष्णु गाउँपालिका–४ बाट पेस्तोलसहित दुई जना पक्राउ परेका छन् । पक्राउ परेकामध्ये एक जना भारतीय नागरिक रहेको प्रहरीले जनाएको छ  । प्रदेश प्रहरी कार्यालय र प्रहरी चौकी मधुवनीबाट खटिएको संयुक्त टोलीले बगैँचामा लुकेर बसिरहेको अवस्थामा उनीहरुलाई पक्राउ गरेको हो ।

        प्रहरीले उनीहरूको साथबाट एक थान कटुवा पेस्तोल, एक थान चाइनिज पेस्तोल र छ राउण्ड गोली बरामद गरेको जनाएको छ । पक्राउ परेका उनीहरुका बारेमा सुक्ष्म अनुसन्धान भइरहेको प्रहरीले जनाएको छ ।