संक्रमित वालिकाकाको क्लोज कन्ट्याक्टमा आएका २९ सहित ११३ जनाको स्वाव संकलन ।

कपिलवस्तु ,५ जेठ ।

कपिलवस्तुको वाणगंगा नगरपालिकाले ११३ जनाको स्वाव संकलन गरेको छ । नगरपालिकाले आईतवार ५५ जना र सोमवार ५८ जनाको स्वाव संकलन गरेको थियो । वाणगंगा ठाकुरापुर की कोरोना संक्रमित वालिकाका क्लोज कन्ट्याक्टमा आएका २९ जनाको समेत स्वाव संकलन भएको छ ।

यस्तै ७ जना पत्रकार, जनप्रतिनिधी सुरक्षा कर्मी र स्वास्थ्य कर्मी गरी ७ जना र ६६ जना क्वारेनटाईनमा रहेकाको स्वाव संकलन गरीएको वाणगंगा नगरपालिकाका स्वास्थ्य शाखा प्रमुख ठगराज पौडेलले जानकारी दिनु भयो । सिद्धार्थ क्याम्पसमा पिपरा अस्पतालका स्वास्थय कर्मीले स्वाव संकलन गरेका थिए । यसै संकलन गरीएको स्वाव अहिले काठमाण्डौं लैजाने तयारी गरेको नगरपालिकाले जनाएको छ । यता स्वाव संकलनका लागी आएका ठाकुरापुरका एक युवकले मिडियामा आएका अनावश्यक समाचारले अत्याउदा आफुहरु त्रसित भएको वताउनुभएको छ । समाचार प्रकाशन गर्दा त्रास नहुने तर सचेत हुने गरी प्रकाशन गर्न समेत उहाले अनुरोध गर्नुभयो ।