‘अशक्त, अपाङ्गता र एकल महिलाको सामाजिक सुरक्षा भत्ता रोक्ने निर्णय अमानवीय कार्य’

काठमाडौं, ७ जेठ । नेपाली काँग्रेसले सरकारले अशक्त, अपाङ्गता र एकल महिलालाई दिँदै आएको सामाजिक सुरक्षा भत्ता तत्कालका लागि रोक्ने निर्णयप्रति आफ्नो गम्भीर ध्यानाकर्षण भएको जनाएको छ । 

                काँग्रेस संसदीय दलका प्रमुख सचेतक बालकृष्ण खाँडले आज एक विज्ञप्ति जारी गरी संविधानले नै अशक्त, अपाङ्गता तथा एकल महिला सामाजिक सुरक्षाबाट वञ्चित हुन नमिल्ने व्यवस्था गरेकाले तत्काल उक्त निर्णय सच्याउन  सरकारको ध्यानाकर्षण गर्नुभएको हो । कोरोना महामारीबाट प्रताडित भएको अवस्थामा सामाजिक सुरक्षा भत्ता रोकिनु अमानवीय गतिविधि भएको काँग्रेसले ठहर गरेको छ। काँग्रेसले सरकारले गरेको सो निर्णयलाई तत्काल सच्याउन माग गरेको छ ।