सैनामैनाले नगरभित्रका संचारकर्मीको बिमा गरिदिने

बुटवल, ८ जेठ । रुपन्देहीको सैनामैना नगरपालिकाले नगरमा रहेका संचारकर्मीहरुको कोरोना बीमा गरिदिने भएको छ । नगर कार्यपालिका तथा विपद् व्यवस्थापन समितिको बैठकले नगरमा रहेर काम गर्ने संचारकर्मीहरुका लागि एक एक लाखको बीमा गर्ने निर्णय गरेको हो । कोरोना भाइरस (कोभिड १९) संक्रमणका बेला जोखिमपूर्ण अवस्थामा समाचार संकलन, प्रशारण र प्रकाशन गरिरहेका संचारकर्मीहरुका लागि एक एक लाखको बीमा गर्ने निर्णय भएको नगरपालिकाका प्रमुख चित्रबहादुर कार्कीले बताउनुभयो । 

            विपत्तिको समयमा खटिरहेका संचारकर्मीहरुको मनोवल उच्च बनाउन र सुरक्षा समेत प्रदान गर्ने उद्देश्यले यो निर्णय गरेको र बीमाको लागि लाग्ने शुल्क नगरपालिकाले तिर्ने उहाँले वताउनु भयो । उता पाल्पाको बगनासकाली पत्रकार समूहले पाल्पाका क्रियाशील पत्रकारहरुलाई स्वास्थ्य सुरक्षा सामाग्री बितरण गरेको छ । बगनासकाली गाउँपालिकाको सहयोगमा पत्रकार समूहले जिल्लाका २५ जना पत्रकारहरुलाई केएन ९५ मास्क, स्यानेटाइजर र ग्लोब्स बितरण गरेको छ ।