फार्ममा आगलागी हुँदा १२८ बाख्रा जले

बर्दिया, १२ जेठ ।  बर्दियाको गेरुवा गाउँपालिका—३ शान्तिबजारमा रहेको न्यू कालिका कृषि उपज फार्ममा आगलागी हुँदा १२८ वटा बाख्रा जलेर मरेका छन् । आगलागीबाट करिब  ८० लाख बराबरको क्षति भएको सञ्चालक विजय चलाउनेले बताउनुभयो । 

            विद्युत लाइन सट भई आगलागी हुँदा फार्म पूर्ण रुपमा जलेर नष्ट भएको प्रहरीले जनाएको छ । करीब तीन घण्टाको प्रयासमा प्रहरी र स्थानीयवासी मिलेर आगो नियन्त्रणमा लिन सफल भएका थिए । आगलागीबाट फार्ममा रहेका बाख्रासँगै दाना, खोर र औषधिसमेत जलेर नष्ट भएका छन् ।