रक्सी खाएर झगडा गरी कपिलवस्तुका क्वारेनटाईनबाट २५ जना भागे

कपिलवस्तु, १२ जेठ ।कपिलवस्तु नगरपालिका वडा नं. ४ को मालपारामा रहेको क्वारेन्टाईनबाट २५ जना भागेका छन । रक्सी खाई दुई समुह विच भनाभन भए पछी क्वारेन्टाईनबाट भागेका नाम नुखलाउने शर्तमा एक जनाले वताए । उनीहरु सुन्दर आधारभुत विद्यालय मा रहेको क्वारेन्टाईनमा रहेका थिए ।             
        उनीहरु क्वारेन्टाईनमा वसेको करीव १४ दिन पुगेको थियो । उनीहरुको एक दुई दिनमा परिक्षण गर्ने तयारीमा समेत थियौ । अचानक भागे एक जना कर्मचारीले वताए । उनीहरु मध्ये धेरै भारतको मुम्वईबाट आएका थिए । कपिलवस्तुमा मुम्वईवाट आएका धेरैमा कोरोना समेत देखिएको छ ।
उक्त क्वारेन्टाईनमा ४ गाउका मानिसहरु वसेका छन । मालपारा,गोलपुर, विरपुर लगायतका गाउका छन ।  क्वारेन्टाईनमा वसेकालाई नगरपालिकाले केही सुविधा दिएको छैन । आफ्नै घरवाट खाना र वासको व्यवस्था गरेका छन । क्वारेन्टाईनको रेखदेख र सुरक्षा दिने पनी कोही नभएको स्थानियको गुनासो रहेको थियो । क्वारेन्टाईन व्यवस्थीत नहुदा कपिलवस्तुका क्वारेन्टाईनबाट पटक पटक मानिसहरु भाग्ने गरेका छन ।