अपाङ्गता भएका नागरिकलाई नेपाल स्वयमसेवक संघ कपिलवस्तुद्धारा राहत वितरण

कपिलवस्तु, १३ जेठ ।  कपिलवस्तुको बणगंगा नगरपालिकाका सबै वडामा नेपाल स्वयमसेवक संघ कपिलवस्तुले खाद्यान्न वितरण गरेको छ । कोरोनाका कारण लागेको देशव्यापी लकडाउनमा नगरपालिका का ११ वडाका फरक क्षमता भएका (अपाङ्गता) भएका नागरिकहरुलाई सोमबार राहत वितरण गरिएको हो ।

        कार्यक्रममा केन्द्रिय अध्यक्ष ज्योतिष खेमराज पौडेल, अपाङ्ग उत्थान समाज कपिलवस्तुका अध्यक्ष कमल प्रसाद ढुङ्गाना, कार्यालय सचिव तथा राजापानी सामुदायिक वनका अध्यक्ष ढाकाराम अधिकारी, संस्थाका पदाधिकारीहरु केन्द्रिय कार्यसमिति सदस्य विकास शर्मा, किरण खड्का, जन्जित पुरुष, संस्थाका प्रदेश सचिव एवं सञ्चारकर्मि सागर पौडेल, विशेष सहयोगी अनिस बञ्जाडे, पशुपति गिरी लगायको सहभागिता रहेको थियो ।

        संस्थाका केन्द्रिय कार्यसमितका सदस्य रबिन्द्र पौडेलको कार्यक्रम संयोजकनमा राहत वितरण गरिएको हो । संस्थाले दाल, चामल,नुन तेल लगायतका खाद्यन्न संस्थाले सहयोग स्वरुप प्रदान गरेको हो । अगामी दिनमा संस्थाले विभिन्न कार्ययोजना बनाएर अघि बढ्ने जनाएको छ ।