भारतमा कोरोना भाइरसबाट संक्रमित हुने १ लाख ५० हजार नाघ्यो

एजेन्सी, १४ जेठ । कोरोन भाइरसको महामारी भारतमा बढ्दै गएको छ ।  भारतमा कोरोना भाइरस संक्रमितको संख्या १ लाख ५० हजार नाघेको छ । एकै दिन थप ५ हजार ८४३ जनामा संक्रमण देखिएको छ । यो सँगै त्यहाँ संक्रमितको संख्या १ लाख ५० हजार ७९३ पुगेको वल्डोमिटरको तथ्याङ्कमा उल्लेख छ ।

            बुधबार विहानसम्म भारतमा कोरोना भाइरसको संक्रमणबाट ४ हजार ३४९ जनाको मृत्यु भएको छ । पछिल्लो २४ घण्टामा त्यहाँ थप १७७ जनाको मृत्यु भएको छ । कोराना भाइरसको (कोभिड–१९) को संक्रमण फैलिने क्रम नरोकिएपछि भारतमा मार्च २४ देखिको लकडाउन ३१ मे सम्म पुर्‍याइएको छ । भारमा ६४ हजर २ सय ७७ जना कोरोना भाइरस मुक्त भएका छन् । भारतले लकडाउनमा खुकुलो बनाएर रेल र बस सेवा संचालनमा ल्याएसँगै नेपालमा पनि संक्रमण दर बढ्दै गएको छ ।