कपिलवस्तु १७ जेठ । कपिलवस्तुको यशोधरा गाउपालिका कोरोना संक्रमणका हिसावले नेपालकै सबैभन्दा हटस्पतमा परेकोछ।एउटै पालिकामा १०० जना संक्रमित फेला परेपछि कपिलवस्तुको यशोधरा कारोना संक्रमणका हिसावले नेपालकै सबै भन्दा उच्च जोखिमको पालिका बनेको हो । सो पालिकामा २ वर्षकी एक वालिका र एक महिला संक्रमित भएकाछन् ।संक्रमित महिलाका ७ महिनाका वालक समेत संक्रमित रहेकाछन् । ती वाहेक संक्रमित सबै पुरुषहरु रहेका छन्।
यता क्वारेण्टाइनमा स्वाव संकलन गरेर परीक्षणकालागि पठाइएका मध्ये ४६२ को नतिजा अहिले सम्म आएको छैन। यसैगरी क्वारेण्टाइनमा बसेका तर स्वाव संकलन नभएका ७ सय बढी रहेको स्वास्थ्य शाखा प्रमुखज्योती दुबेले जानकारी दिनु भयो । यशोधरा त्यही पलिका हो जहाँ अहिले सम्म मापदण्ड अनुसारको १ वेड पनि आइशोलेशन छैन ।गाउपालिकाका अध्यक्ष गिरजेश कुमार पाण्डेले भन्नु भयो एकातिर बनाउने ठाउ भएन अर्काेतिर पालिकाले खर्च गर्ने श्रोत भएन त्यसैले समयमै आइशोलेशन वनाइएन । तर एकाएक संक्रमित बढेपछि स्थानीय बैदौली माविलाई नै आइशोलेशन सेन्टरका रुपमा राख्ने गरी बेडको ब्यवस्था गर्न लागिएको स्वास्थ्य शाखा प्रमुख दुबेले प्रेसपाटीलाई जानकारी दिनु भयो । पहिले क्वारेण्टाइन रहेको विद्यालय नै अहिले आइशोलेशन बनाइदैछ उहाले भन्नु भयो ।
अहिले सम्म कपिलवस्तुका अन्यपालिका तर्फ बाणगंगा नगरपालिकामा १२ जना, बुद्धभूमी नगरपालिकामा ८ जना कृष्णनगर नगरपालिकामा ३५ जना संक्रमित पुुगेका छन् । यस्तै कपिलवस्तु नगरपालिकामा २८ जना, महाराजगंज नगरपालिकामा ४३ जना ,शिवराज नगरपालिकामा ६ जना , बिजयनगर गाउपालिकामा १६ जना, मायादेवि गाउपालिकामा १५ जना र शुद्धोधन गाउपालिकामा २ जना रहेका छन। यो संगै कपिलवस्तुमा २६५ जना संक्रमित हुन पुगेका हुन् ।
प्रतिक्रिया