कपिलवस्तुमा कोरोना सङ्क्रमित ५ सय नाघ्यो । ४८ सङ्क्रमित थप ।

कपिलवस्तु
कपिलवस्तुमा कोरोना सङ्क्रमितको सङ्ख्या ५२३ पुगेको छ । आज कपिलवस्तुमा ४८ जना कोरोना सङ्क्रमित थप भएका छन् । जिल्ला स्वास्थ्य कार्यालय कपिलवस्तुका अनुसार शनिवार दिउसो महाराजगन्ज नगरपालिकामा ३१ पुरुष र ६ महिला , यशोधरा गाउँपालिकामा १ पुरुष १ महिला बिजयनगर गाउँपालिकामा ५ पुरुष , बुद्धभुमी नगरपालिकामा ४ पुरुषमा सङ्क्रमण भएको छ । थप भएका ४ वर्ष देखी ५५ वर्ष उमेर समूहका भएको फोकल पर्सन कुमार थापाले बताउनु भयो ।
देशको सबै भन्दा बढी सङ्क्रमण भएको जिल्ला कपिलवस्तु हो । यशोधरा गाउँपालिकामा १३७ जनामा महाराजगन्ज नगरपालिकामा १०२ जना, मायादेवी गाउँपालिका ५३ जना, कृष्णनगर नगरपालिकामा ५२ जना , शिवराज नगरपालिकामा ४८ जना, शुद्धोधन गाउँपालिकामा ३० जना, कपिलवस्तु नगरपालिका २९ जना, बुद्धभुमी नगरपालिका २९ जना, बाणगंगा नगरपालिकामा २२ र विजयनगर गाउँपालिकामा २१ जनामा सङ्क्रमण भएको पुष्टि भएको छ ।