बिकास थापा कपिलवस्तु २५ जेठ । कपिलवस्तुको बाणगंगा नगरपालिका वडा नं ७ ले अपांगता भएकाहरुलाई बाख्रा वितरण गरेको छ । अपांग लक्षित कार्यक्रमअन्तर्गत अपांगता भएकाहरुलाई आयआर्जनका लागि टेवा पुगोस् भन्दै वडाले बाख्रा वितरण गरेको वडाध्यक्ष बिष्णु गिरीले बताउनुभयो ।
आईताबार वडामा रहेका अति बिपन्न अपंगता भएका ६ जना घरपरिवारलाई छनौट गरि वडाको बार्षिक कार्यक्रम अन्तगर्त बाख्रा वितरण गरिएको हो । आर्थिक बर्ष २०७६÷७७ को बिनियोजित अपांग लक्षित कार्यक्रम अन्तगर्त ५० हजार रकम बाट वडा भित्रका अति गरिब बिपन्न ६ जनालाई १÷१ वटा ब्याउने बाखा्र वितरण गरिएको जानकारी गराउनुभयो । लकडाउन कारण जिबिकोपार्जनमा समस्या झेल्दै आएका घरपरिवारलाई वडाले बिभिन्न सहयोग गर्दै आईरहेको र आयआर्जनकामा थप सहयोग पुग्ने भन्दै बाख्रा वितरण गरिएको वडा अध्यक्ष गिरीको भनाई छ । यता ब्याउने बाख्रा पाएपछि ६ घरपरिवार निकै खुसी भएका छन ।
प्रतिक्रिया