तिलोत्तमा घटना अपडेटः मृतकहरूको परिचय खुल्यो, मारिनेमा १ महिला र ४ पुरूष

बुटवल, २७ जेठ ।  रुपन्देहीको तिलोत्तमा नगरापालिका–१० कान्छीबजारमा भएको सामुहिक रुपमा ज्यान गुमाउने ५ जनाको परिचय खुलेको छ। विभत्स हत्यामा मारिनेमा १ महिला र ४ पुरूष रहेका छन्।  घटनामा मारिनेमा माधव मुसहर, जानकी मुसहर, पोसराज मुसहर, करूण चौधरी र आशिष चौधरी रहेका छन्। हत्या भएकामा माधव, पोखराज, जानकी भैसी फर्मका कामदार हुन् भने करन र आशिष चौधरी फर्मका कामदार होइनन् । उनिहरु स्थानिय भएको र भैसी फर्ममा आउने जाने गरेको बताइएको छ ।

        कान्छीबजारको मैनहवा स्थित  कृष्ण पुनको भैसी फर्ममा उनीहरूको सामुहिक हत्या भएको हो।एक जनालाई प्रहरीले नियन्त्रणमा लिएको जनाइएको छ । इलाका प्रहरी कार्यालय मंगलापुरका प्रमुख लक्ष्मण थापाले मृतकलाई पोष्टमार्टमका लागि अस्पताल पठाइएको जानकारी दिनुभयो ।