कपिलवस्तुमा कोरोना संक्रमित ६ सय १६ पुगे

कपिलवस्तु, २८ जेठ । कपिलवस्तु जिल्लामा कोरोना भाइरसबाट  संक्रमित हुनेको संख्या ६ सय नाघेको छ । जिल्लामा बुधबार साँझसम्म ६ सय १६ जनामा कोरोना संक्रमित पुष्टि भएको छ। स्वास्थ्य कार्यालय कपिलवस्तुका अनुसार पछिल्लो २४ घण्टाको अवधिमा जिल्लामा ५० जना संक्रमित थपिएका छन् । 

        जिल्लामा सबैभन्दा बढी यशोधरा गाउँपालिकामा १ सय ७९ जना कोरोना संक्रमित पुष्टि भएको छ । त्यस्तै महाराजगञ्जमा १ सय १८ जना,  कृष्णनगर नगरापलिकाकामा ७१ जना, शिवराज नगरपालिकामा ५७ जना, मायादेवी गाउँपालिकामा ५३ जना, शुद्धोधन गाउँपालिकामा ३३ जना संक्रमित पुष्टि भएको छ । वाणगंगा नगरपालिकामा २३ जना , कपिलवस्तु नगरपालिकामा ३० जना, बुद्धभूमि नगरपालिकामा २९ जना,  र विजयनगर गाउँपालिकामा  २२ जना संक्रमित पुष्टि भएको छ । 

        नेपालमा बुधबार थप  २ सय ७९ जनामा कोरोना भाइरसको संक्रमण पुष्टि भएको छ । यो सँगै नेपालमा कोरोना संक्रमितको संख्या ४ हजार ३६४ पुगेको छ ।