आजबाट जोर–विजोर प्रणालीमा निजी सवारीसाधन सञ्चालन, अर्को जिल्ला जान प्रतिबन्ध

कपिलवस्तु ३० जेठ ।  लकडाउन भएको ८१ औँ दिन आजबाट जोर – विजोर प्रणालीमा निजी सवारीसाधन सञ्चालन हुन थालेका छन् । आजदेखि कपिलवस्तु लगायत देशभर जोर–विजोर प्रणालीमा निजी सवारीसाधन सञ्चालन आएका छन् । जोर विजोर प्रणालीमा सवारी साधन संचालका लागि रोक नलगाइएको ट्राफिक प्रहरीले जनाएको छ । जसअनुसार शुक्रबार आज जोड नम्बरका गाडीलाई चलाउन दिइएको छ ।

        यसरी संचालन हुने सवारी साधनहरु एउटा जिल्लाबाट अर्को जिल्लामा प्रवेश गर्न भने प्रतिबन्ध लगाइएको छ । ट्राफिक प्रहरीका अनुसार ४ पांग्रे सवारी साधनमा चालकसहित ३ जना र  मोटरसाइकल र स्कुटरमा चालक मात्र भएको खण्डमा त्यस्ता सवारीसाधनलाई रोकिने छैन । उपत्यकाको हकमा उपत्यकाको ३ जिल्ला काठमाडौँ, ललितपुर र भक्तपुरलाई एक जिल्ला मानीएको छ ।