चन्द्रौटा कपिलवस्तु
कपिलवस्तुको शिवराज नगरपालिका वडा न ३ ले कृषकलाई हौसाला प्रदान गर्नको लागि उपहार कार्यक्रम संचालन गरेको छ । उपहारमा कृषकको ४० प्रतिशत लगानि रहने र ६० प्रतिशत वडाले सहयोग गर्ने वडा अध्यक्ष टेकलाल सापकोटाले बताउनुभयो । चालु आर्थिक वर्षमा वडा बिनियोजन गरेको ५ लाख रुपैँयामा वडाका ४७ जना कृषकलाई सिचाई सामाग्री र घाँस काट्ने मेसिन बितरण गरेको छ ।
आईतबार वडा कार्यालयमा पुगेका कृषकलाई उक्त सामाग्री बितराण गरिएको छ । वडाका अधिकांश नागरिकहरुले कृषि पेशा गरेको भन्दै वास्तविक किसानले सामाग्रीहरु पाएको अध्यक्ष सापकोटाले बताउनुभयो । कृषकले उत्पादन बढाउने र आर्थिक स्थितिमा सुधार ल्याउन सामाग्री वितरण गरेको वडा अध्यक्ष सापकोटाले बताउनु भयो ।
कार्यक्रममा शिवराज नगरपालिकाका प्रमुख नेत्रराज अधिकारीले नगरले पनि कृषकलाई प्राथमिकतामा राखेको भन्दै वडाले वार्षिय योजनामा किसान लक्षीत कार्यक्रम राखेर किसानलाई सहज भएको बताउनुभयो । कृषिमा क्रान्ती गर्न आवश्यक रहेको भन्दै अहिले तिनवटै सरकारले किसान लक्षीत कार्याक्रम निर्माण गरेको बताउनुभयो । वडाले गरेको यो कार्यक्रमले किसानलाई सहज भएको कृषक हिरालाल थारुले बताउनुभयो । कृषकहरुको पनि लागनि लाग्ने व्यावस्था मिलाएको
ले यस कार्यक्रमवाट अतिआवश्यकले मात्र पाउने उहाँले बताउनुभयो । घाँस काट्ने मेसिन २७ थान, सिचाईको लागि पानी तन्ने ५ थान मोटर र ५ थान पम्पसेट वितरण गरिएको वडा अध्यक्ष सापकोटाले जानकारी दिनुभयो ।
प्रतिक्रिया