काठमाडौं, २ असार । प्रहरी प्रधान कार्यालयले १६ वटा जिल्लाको प्रहरी प्रमुख प्रहरी उपरीक्षक (एसपी) हरुको को सरुवा गरेको छ । प्रहरी मुख्यालयले निकालेको सूची अनुसार भक्तपुर प्रहरी परिसरका प्रमुख सविन प्रधान पनि फेरिएको छ । प्रधानको ठाउँमा एसपी तारादेवी थापालाई पठाइएको छ । एक वर्ष अवधि पूरा भएका अधिकृतहरुलाई सरुवा गरिएको बताइएको छ ।
कपिलवस्तुका दीप शमशेर जवबरालाई प्रहरी प्रधान कार्यालय अपराध अनुसन्धान विभाग, अपराध अनुसन्धान महाशााखा नक्साल काठमाडौं सरुवा गरिएको छ । कविलवस्तुमा नवराज अधिकारीलाई पठाइएको छ । अधिकारी प्रहरी प्रधान कार्यालय सुरक्षा सेवा व्यवसथापन निर्देशनालय अंगरक्षक गण नक्साल काठमाडौंबाट कपिलवस्तु पठाइएको छ ।
कास्कीमा प्रहरी प्रमुख एसपी दानबहादुर कार्की विशेष ब्युरोमा ल्याइएका छन् भने त्यहाँ जीवनकुमार श्रेष्ठ पठाइएका छन् । महोत्तरीमा टिका केसी, सिराहामा उमाशंकर पञ्जियार र बाँकेमा ओमबहादुर राणा पठाइएका छन् ।
तनहुँमा अरुण पौडेल, धनकुटामा गोविन्द अधिकारी, डोटीमा जनकराज पाण्डेय, पूर्वी नवलपरासीमा दिपक रेग्मी, पाल्पामा दिपकराज खरेल, इलाममा नविनराज राई, उदयपुरमा भिमबहादुर दाहाल, सुर्खेतमा राजेन्द्रप्रसाद भट्ट, मोरङमा सन्तोष खड्का र गोरखामा सुरेन्द्रबहादुर गुरुङ पठाइएका छन् ।
प्रतिक्रिया