कपिलवस्तुकी एक युवती हेटौंडामा मृत अवस्थामा फेला

कपिलवस्तु २ असार । हेटौंडामा मंगलबार बिहान एक युवतीको शव फेला परेको छ । हेटौंडा–४ कर्रास्थित सुर्चचोक नजिकै अन्दाजी २३ वर्षीया सुस्मिता थापाको शव फेला परेको हो ।बन्द कोठामा थापाको शव फेला परेको र घटनाको विषयमा अनुसन्धान भइरहेको जिल्ला प्रहरी कार्यालय मकवानपुरका प्रहरी प्रवक्ता डिएसपी इन्द्रबहादुर रानाले बताउनुभयो । ‘आत्महत्या हो वा हत्या हो भन्नेबारे अनुसन्धान भैइरहेको छ । महिलाका माइती पक्षलाई हामीले बोलाएका छौं ।

             उहाँहरु कपिलवस्तु बाणगंगा नगरपालिका ८ बोडगाउँ बाट आउँदै हुनुहुन्छ । महिलाको शव बन्द कोठाभित्र भएका कारण हामीले ढोका खोलेका छैनौं ।’ डीएसपी रानाले भन्नुभयो। उहाँका अनुसार घटनास्थलमा रगत पनि देखिएको छ । ‘प्रारम्भिक अनुसन्धान अनुसार मृतक महिलाका पतिको करिब छ महिना अगाडि सडक दुर्घटनामा ज्यान गुमेको पाइएको छ ।’, उहाँले भन्नुभयो ।