कपिलवस्तु ७ असार । एउटै पालिकामा १६८ जना संक्रमित भएको देशकै संक्रमणको किल्ला बनेको कपिलवस्तुको यशोधरा गाउपालिकामा क्वारेण्टाइनमा रहेका ७२ जनाको स्वाव संकलन गरेर घर पठाइएको छ । त्यसरी घर पठाइएकामा क्वारेण्टाइनमा बसेको २ दिनदेखि १४ दिन काटेका सम्म रहेको स्वास्थ्य शाखाले जनाएकोछ । यतिबेला त्यहाका सबै क्वारेण्टाइन रित्तिएकाछन् । त्यहा रहेका २७ क्वारेण्टाइनमा एकजना पनि नरहेको जिल्ला स्वास्थ्य कार्यलय कपिलवस्तुले शनिवार सार्वजनिक गरेको विवरणमा उल्लेखछ । गाउपालिका अध्यक्ष गिरजेश कुमार पाण्डेले होम क्वारेण्टाइनमा बस्नेगरी पठाइएको वताउनु भयो ।
माथि प्रस्तुत जिल्ला स्वास्थ्य कार्यलयको तालिकामा यशोधरा गाउपालिकामा ७६ जनाको नतिजा नआएको उल्लेखछ तर क्वारेण्टाइनमा रहने संख्या सून्य छ । यसवाट प्रष्ट हुन्छ पालिका अध्यक्ष पाण्डे झुट बोलि रहेका छन् । होम क्वारेण्टाइन हो भने सो विवरण किन उल्लेख छैन ।
स्वावसंकलन भएको तर नतिजा नआएको तर्फ बुद्धभूमीमा १७२ जना ,यशोधरामा ७६ जना , बाणगंगमा ५९ जना ,बिजयनगरमा ५४ जनाको स्वाव संकलन भएपनि नतिजा आउन बाँकीछ । अरु पालिकामा नतिजा नआउदै नपठाउने भनेर क्वारेण्टाइनमा राखिएको छ । यता संक्रमित हुने क्रम बैशाख २५ वाट शुरु भएयता बिस्तार हुदै ६७८ पुगेको छ ।
यता कपिलवस्तुका १० पालिकाका क्वारेण्टाइनमा शनिवार सम्म जम्मा ८३५ जना मात्र रहेको बिबरण सार्वजनिक भएको छ । जस अनुसार सबैभन्दा बढी बुद्धभूमी र बाणगंगामा रहेका छन् । बुद्धभूमीको क्वारेण्टाइनमा १९५ र बाणगंगाको क्वारेण्टइनमा १९४ जना मात्र रहेका छन् । यस्तै कपिलवस्तु नगरपालिकामा १२५ विजयनगर गाउपालिकमा ११६ ,शुद्धोधन गाउपालिकामा ९५ जना क्वारेण्टाइनमा रहेका छन् । यसैगरी शिवराजमा ७७ ,महाराजगंजमा ३२ र कृष्णनगरमा १ जना मात्र क्वारेण्टाइनमा रहेका छन् ।
कपिलवस्तुमा हाल सम्म ६७८ जना संक्रमित भएकोमा यशोधरामा १६८ जना, महाराजगंजमा १२२ जना , शिवराजमा ६९ जना ,कपिलवस्तु नगरपालिकामा ३७ जना, विजयनगर गाउपालिकमा ३०, कृष्णनगरमा ७१ जना ,मायादेविमा ७५ जना ,शुद्धोधन गाउपालिकामा ३६ जना संक्रमित रहेका छन् । यता बाणगंगामा ३५ र बुद्धभूमीमा ३४ जना रहेका छन् ।
प्रतिक्रिया