घरभाडा छुट गर्न चेम्बर अफ कमर्सको आग्रह

तिलोत्तमा, ७ असार  ।  तिलोत्तमा चेम्बर अफ कमर्शले बैशाख र जेठ मध्ये एक महिनाको भाडा छुट गर्न घरधनीहरुसँग आग्रह गरेको छ । चैत महिनाको भाडा छुट दिएकोमा धरघनीहरुलाई धन्यवाद दिंदै चेम्बर अफ कमर्शको मणिग्राममा बसेको बैठकले अझै एक महिनाको भाडा छुट गर्न आग्रह गरेको हो ।तिलोत्तमा चेम्बर अफ कमर्शका अध्यक्ष जेपी कंडेलको अध्यक्षतामा बसेको बैठकले भाडा छुटको लागि घरधनीहरुसँग आग्रह गरेको छ ।

        कोरोना महामारीका कारण जारी लकडाउनले व्यापार व्यवसाय चौपट भएको, बैंकको किस्ता तिर्न समस्या भएको भन्दै बैठकले अझै एक महिनाको भाडा छुट गर्न आग्रह गरेको र यसले व्यवसायीहरुलाई राहत पुग्ने अध्यक्ष कंडेलले बताउनुभयो । बैठकमा सहभागी भएका एनएमबी बैंक मणिग्राम शाखाका प्रवन्धक युवराज पाठकले राष्ट्र बैंकले जारी गरेको निर्देशिका र सहुलियत कर्जा सम्बन्धी जानकारी गराएका थिए