श्रीमतीको हत्या चक्कु प्रहारबाट

काठमाडौं, ११ असार ।  काठमाडौँको टोखाका एक व्यक्तिले आफ्नै श्रीमतीको हत्या गरेका छन् ।  टोखा नगरपालिका–३ बानियाँटार बस्ने ४३ वर्षीय कृष्णहरि बानियाँलाई श्रीमती सलिना  खड्कालाई धारिलो हतियार चक्कु प्रहार गरी हत्या गरेको अभियोगमा आज बिहान  पक्राउ गरिएको प्रहरी प्रधान कार्यालयले जनाएको छ । 

        बुधबार राति करिब १ बजेको समयमा विवाद हुँदा उनले चक्कु प्रहार गरी हत्या गरेको प्रारम्भिक अनुसन्धानमा खुल्न आएको प्रहरीले जनाएको छ ।  महानगरीय प्रहरी प्रभाग गोंगबु र महानगरीय प्रहरी वृत्त महाराजगञ्जबाट खटिएको प्रहरीले घटनाको बारेमा सूक्ष्म अनुसन्धान गरिरहेको जनाएको छ ।