नारायणी नदीमा एक युवक बेपत्ता

चितवन, १२ असार ।  चितवनको नारायणी नदीमा माछा मार्ने क्रममा एक जना बेपत्ता भएका छन् । भरतपुर महानगरपालिका–३ रामघाटस्थित नारायणी नदीमा माछा मार्ने क्रममा बर्दिया घर भइ हाल भरतपुर महानगरपालिका–४ बस्ने २१ वर्षीय टिङ्कु चौधरी बेपत्ता भएको जिल्लाप्रहरी कार्यालय चितवनले जनाएको छ । 

        नदी किनारमा माछा मार्ने क्रममा उनलाई नदीमा आएको बाढीले बगाएको थियो । बेपत्ता चौधरीको नेपाल प्रहरी र सशस्त्र प्रहरीले खोजी गरिरहेको जनाएको छ । नदीमा बाढी आएका कारण खोजीकार्यमा असहज भएको बताइएको छ ।