कार दुर्घटनामा परी पत्रकार कृष्ण पाण्डेको निधन

बुटवल, १४ असार ।  न्यूज २४ टेलिभिजनका रिपोटर पत्रकार कृष्ण पाण्डेको कार दुर्घटनामा परी निधन भएको छ । सिद्धार्थ राजमार्ग अन्तर्गत बुटवल–भैरहवा सडक खण्डको तिलोत्तमा–१ ड्राइभर टोलमा गएराति भएको कार दुर्घटनामा पाण्डेको मृत्यु भएको हो । कार सडक किरानाको फलामे बारमा एक्कासी ठोक्कीन पुग्दा दुर्घटना भएको थियो ।

        आफ्नो घर ड्राइभरटोलतर्फ आउँदै गर्दा बा ७ च ६९५९ नम्बरको आफैले चलाएको कार दुर्घटना भएको थियो । दुर्घटनामा परी घाईते पाण्डेलाई बुटवलको चौराहा अस्पतालमा उपचारका लागि लगिएको थियो । ३० वर्षिय पाण्डेको उपचारकै क्रममा गएराती  १ बजे अस्पतालमा मृत्यु भएको हो । पाण्डेको शवलाई अहिले लुम्बिनी प्रादेशीक अस्पतालमा राखिएको इलाका प्रहरी कार्यालय बुटवलले जानकारी दिएको छ । रुपन्देहीमा रहेर सञ्चार क्षेत्रमा आवद्ध पाण्डेले कलाकारिता समेत गर्दथे ।